بالصور وزير التربية والتعليم الدكتور طارق شوقي يشارك افكار جروب تمرد علي المناهج التعليمية

تفاجأ اعضاء جروب تمرد علي المناهج التعليمية
بتعليق وزير التربية والتعليم الدكتور طارق شوقي اليوم علي بوست لمناقشة تطوير التعليم وكان نص البوست

معالى الوزير /
عايز تطبق نظام الثانوية العامة الجديد يبقى لازم توفر حاجتين :
اولا :مدرس مؤهل للتعامل مع النظام الجديد
ثانيا :مدارس مؤهلة تكنولوچيا (بكل ما تحتويه الكلمة من معانى)

سيادتك بقى معندكش امكانيااااات ولا هيبقى عندك لو مبدأتش صح
يبقى نقطة من اول السطر ويلا نبتدى نأسس العمارة

١- عدل المناهج على مستوى جميع المراحل بحيث تناسب التقدم التكنولوجى وتناسب العمر العقلى للطالب وتناسب المدة الزمنية للتيرم (مش صعبة خااالص على فكرة )

٢- شيل اعمال السنة ( عشان منبقاش دايما تحت رحمة مدرس الفصل )
٣- اعمل ٤ امتحانات خلال السنة بحيث يكون كل واحد منهم منتهى (ومتنساش أن المنهج يكون متقسم بالتساوى على ٤ وتكون الامتحانات بتقيس الفهم مش الحفظ )

٤- فعل القانون اللى بيقول أن سنة ٦ مش شهادة وانها سنة نقل عادية ( ووفر المليارات اللى بتتصرف على اللجان والكنترولات دى لحاجات اهم )

٥- شيل الرسم من المجموع فى المرحلة الإعدادية (ويا ريت بالمرة تشيل منه النظرى )
٦- شيل الكمبيوتر كمان من المجموع (ويا ريت يتم دراسته عمليا وليس نظريا )

٧- تعال بقى فى ثانوى خلى التخصص من سنة اولى (ويا ريت تنسى موضوع المجموع التراكمى ده خااااالص )
٨- خلى الثانوية العامة على تيرمين ( والله ساعتها الناس هتدعيلك)

٩- اهتم بالتعليم الفنى وخلى شهادته معترف بيها( لان البلد فعلا محتاجة للتخصصات دى)
١٠- ساعتها هتكون وفرت فلوس كتييييرة جدا تقدر تظبط بيها مرتبات المعلمين وتقدر تدربهم وتقدر تجود من مستوى المدارس بتاعتك وتطورها ( والعجلة هتدور )

لما العجلة تدور ابقى سيادتك فكر فى نظام الثانوية العامة الجديد لانك هتكون أسست صح
معالى الوزير .. محدش بيبدأ يرمم عمارة متهالكة

وجاء رد الوزير كما موضح بالصور